گەشتی عەبدوڵا تۆفیق بۆ کوردستان و ئەنجامدانی چەند پڕۆژەیەك

 

هەروەك لە ئاگاداریەکەی پێشتردا ڕامان گەیاند بە میوانە بەڕێزەکانی ماڵپەڕی وەرزشی دەروونی کە مامۆستا عەبدوڵا بە سەردانیك و بە چەند پڕۆژەیەکی بەنرخ و مێژوویەوە  دەگەڕێتەوە بۆ کوردستان بە سەردانێکی کاتی، ئێستاش پڕۆژەکان و تەواوی ئامانجی گەشتەکە زۆر بە سەرکەوتوی هاتەدی.

لە سەرەتای گەشتەکەدا مامۆستا عەبدوڵا بە فەرمی لە گەڵ بەڕێزان نیاز جوجە، کاك ئامانج و کاک دڵشاد کە شاندێکی دەستەی باڵای سەندیکای کارمەندانی تەندروستی کوردن لە ئەوروپا لەلایەن وەزارەتی تەندرستی هەرێمی کوردستان بانگهێش کرابوون کە لە کۆنگرەی تەندروستی نێودەوڵەتی کە لە هەولێر بەڕێوە چوو بەشداری بکەن لە ڕۆژانی ٢،٣،٤ فەبرایەری ٢٠١١.

دوا بەدوای کۆتای هاتنی کۆنگەرکە عەبدوڵا تۆفیق دەستی کرد بە ڕێکخستنی ئەو خولەی کە بۆ توێژەری دەروونی و کۆمەڵایەتی، هەندێك لە مامۆستایانی زانکۆو کارمەندانی تەندروستی و بەشێك لە چین و توێژە کانیتری کۆمەڵگای کوردی سازدەکردا. ئەوەبوو بە هاوکاری سەنتەری ڕاوێژکاری خێزان بۆ کێشە دەروونی و کۆمەڵایەتیەکان و هەروەها بە پشتیوانی مەکتەبی ڕێکخراوە دیموکراتیەکانی ناوەندی دەرەوەو ناوەوە کار ئاسانیەکی باش کرا بۆ هێنانەوەی پڕۆفیسۆر دکتۆر لاش ئێریك ئونیستٶل بۆ کوردستان کە شانبەشانی عەبدوڵا تۆفیق ئەو خولە بۆ ٤ ڕۆژ بکرێتەوە. خولەکە بەسەرکەوتووی بەڕێەوەچوو لە ڕۆژانی ٩،١٠.١١.١٢ فەبرایەر ٢٠١١. لە کردنەوەی خولەکەدا چەند کەسایەتیەك ئامادەبوون و ووتاریان خوێندەوە.لە خولەکەدا کتێبێك کە لە نوسینی دکتۆر لاش ئێریك بوو کە لە لایەن (عەبدوڵا تۆفیق و چۆپی مەجید) ەوە وەرگێڕابووویە سەر کوردی بە ناوی ( شێوازی ژیانێکی نوێ) وە سیدیەکی چوار پڕۆگرامی بۆ خاوبوونەوەی لەش و دەروون لە لایەن عەبدوڵا تۆفیق ئامادە کرابوو درا بە بەشداربووان و لە کۆتای خولەکەشدا بەشداربووان بەڵگەنامەی بەشداربوونیان وەرگرت.

لەوماوەیەدا کە دکتۆر لاش ئێریك لە کوردستان بوو لەگەڵ عەبدوڵا تۆفیق دا چەند شوێنێکی تایبەت بانگهێشیان کردن لەوانە (بەڕێز وەزیری کاروباری کۆمەڵایەتی ئاسۆس خان، بەڕیوبەری پەروەردەی سلێمانی مامۆستا کەمال نوری، خولی بەهێزکردنی زمان کە لەلایەن بەڕێز مامۆستا سەربەست تۆفیق بەڕێوبەرایەتی ئەکرێت، لیجنەی ئۆڵۆمپی کوردستان حەکەمی نێودەوڵەتی مامۆستا سەلاح حەمە کەریم. زانکۆی سلێمانی دکتۆر نزار محەمەد، قایمقامی هەڵەبجەی شەهید کاك گۆران، نوسەر مامۆستا شێرزاد حەسەن) هەروەها بەڕێز دکتۆر تاهیر هەورامی خۆشحاڵی خۆی پیشاندا و بەخێرهاتنی دکتۆر لاش و عەبدوڵا تۆفیق ی کرد و هیوای سەرکەوتنی بۆ خواستن.

ئەوەی شایانی باسە پڕۆژەی نوێ لە لایەن لیجنەی ئۆڵۆمپی و هەڵەبجەی شەهید پەسەند کرا. هەروەها ئەو بوارە درا کە هەرکەس خوازیاربێت کە لە خولێکی درێژخایەندا سەبارەت بە ٤ ڕاهێنانە دەروونیەکان بەشداربێت ئەتوانێ پەیوەندی بکات بەو ئادرەسەی کە لە ئایندەدا بڵاوی ئەکەینەوە، ئەویش لە ریگەی ئینتەرنێتەوە ئەخوێنرێت.

مامۆستا عەبدوڵا تۆفیق چەندین چاوپێکەوتنی لە کەناڵە تەلەفزیۆنەکاندا ئەنجامدا لەوانە ( تەلەفزێۆنی کورد سات، جەماوەر، گەلی کوردستان، تەلەفزێۆنی پەروەردەیی و ڕادێۆی نەورۆز و پیوکەی مێدیاو دەنگ پرێس و چەند ڕۆژنامەو گۆڤارێك)، هەروەها سیمینارێك و چەند ڕاهێنانێك بە توێژەرە دەروونی و کۆمەڵایەتیەکانی هەڵەبجەی شەهید و کۆلیجی ئەزمەر بۆ بەهرەداران.

 سوپاسی زۆرمان بۆ هەموو ئەو بەڕیزانەی کە هاوکاریان کردین و کار ئاسانیان بۆ کردین لەو ماوەیەدا بۆ ئەوەی پڕۆژەکانمان سەرکەوتووبێت. وە سوپاسمان بۆ ئەو میوانە بەڕێزانەی کە بەردەوام سەردانی ماڵپەڕەکەمان ئەکەن و ئەیانەوێت ئاگاداری کار و چالاکیەکانمان بن، ئێمەش دڵنیایان ئەکەینەوە کە هەمیشە لە خزمەت ئەواندا ئەبین و کارو پڕۆژەی باشتر ئەنجام ئەدەین هەتا ڕاهێنانە دەروونیەکان ئەبێتە بەشێکی زۆری ڕۆژانەمان کە ببێتە هۆی گەشەکردنمان لە هەموو بوارەکانی ژیاندا.

ئەمەش هەندی لەو گرتە وێنانەن کە لە کوردستان لەکاتی چالاکیەکاندا گیراون:

 

 

          

 

       

   

 

      

گەڕانەوە